"Ẹmi ti o maa n pani laṣẹ aburu: Ìyẹn ni pe ki eniyan maa tẹle nnkan ti ẹmi rẹ ba n sọ fun un ki o ṣe ati ifẹ-inu rẹ nibi ṣíṣẹ Ọlọhun- ti ibukun n bẹ fun Un ti ọla Rẹ ga-, Ọlọhun Ọba sọ pe: " "{dájúdájú ẹ̀mí kúkú ń pàṣẹ èròkérò (fún ẹ̀dá) ni àfi ẹni tí Olúwa mi bá kẹ́. Dájúdájú Olúwa mi ni Aláforíjìn, Àṣàkẹ́-ọ̀run}. " [Suuratu Yusuf: 53]. "Eṣu: Oun ni ọta ọmọ Anabi Adam, ati pe ero rẹ ni pe ki o sọ eniyan nu ki o si ko royiroyi ba a nibi aburu ki o si mu u wọ ina. Ọba ti ọla Rẹ ga sọ pe: " "{Ẹ má sì ṣe tẹ̀lé àwọn ojú-ẹsẹ̀ Èṣù. Dájúdájú òun ni ọ̀tá pọ́nńbélé fun yín}. " "[Surah Al-Baqarah: 168] "3- Awọn ọrẹ buruku: Àwọn to jẹ pe wọn maa n ṣe ni loju kokoro si aburu, ti wọn si maa n ṣẹri eeyan kuro nibi ohun rere. Ọba ti ọla Rẹ ga sọ pe: " "{Àwọn ọ̀rẹ́ àyò ní ọjọ́ yẹn, apá kan wọn yóò jẹ́ ọ̀tá fún apá kan àyàfi àwọn olùbẹ̀rù (Allāhu)} " [Suuratu Az-Zukhruf: 67].