S: Ang Sūrah Al-Mā`ūn at ang pagpapakahulugan dito:

(Sa ngalan ni Allāh, ang Napakamaawain, ang Maawain.)

1. (Nakakita ka ba sa nagpapasinungaling sa pagtutumbas?) 2. (Sapagkat iyon ay ang nagsasalya sa ulila) 3. (at hindi nanghihikayat sa pagpapakain sa dukha.) 4. (Kaya kapighatian ay ukol sa mga tagapagdasal,) 5. n (na sila sa pagdarasal nila ay mga nagpapabaya,) 6. (na sila ay nagpapakitang-tao) 7. (at nagkakait ng munting tulong.) (Qur'ān 107:1-7)

Ang Pagpapakahulugan

1. {Nakakita ka ba sa nagpapasinungaling sa *pagtutumbas?}: Nakakilala ka ba sa nagpapasinungaling sa pagganti sa Araw ng Pagbangon?

2. {Sapagkat iyon ay ang nagsasalya sa ulila}: Sapagkat siya ay yaong tumutulak sa ulila nang may kagaspangan palayo sa pangangailangan nito,

3. {at hindi nanghihikayat sa pagpapakain sa dukha.}: at hindi nag-uudyok sa sarili niya at hindi nag-uudyok sa iba sa kanya sa pagpapakain sa maralita.

4. {Kaya kapighatian ay ukol sa mga tagapagdasal,}: Kaya kapahamakan at pagdurusa ay ukol sa mga tagapagdasal,

5. {na sila sa pagdarasal nila ay mga nagpapabaya,}: na sila sa pagdarasal nila ay mga naglilibang, hindi pumapansin dito hanggang sa matapos ang oras nito,

6. {na sila ay nagpapakitang-tao): na sila ay nagpapakitang-tao sa pagdarasal nila at mga gawa nila: hindi nagpapakawagas ng gawain nila para kay Allāh,

7: {at nagkakait ng munting tulong. }: at nagkakait ng pagtulong sa iba pa sa kanila ng bagay na walang kapinsalaan sa pagtulong sa pamamagitan nito.