பதில் : ஸூறதுல் அஸ்ரும் அதன் விளக்கவுரையும் :

பிஸ்மில்லாஹிர் ரஹ்மானிர் ரஹீம்.

1- வல் அஸ்ர். 2- இன்னல் இன்ஸான லபீ குஸ்ர். 3- இல்லல்லதீன ஆமனூ வஅமிலுஸ் ஸாலிஹாதி வதவாஸவ் பில்ஹக்கி வதவாஸவ் பிஸ்ஸப்ர். (ஸூறதுல் அஸ்ர்: 1-3).

விளக்கவுரை (தப்ஸீர்) :

1- (காலத்தின் மீது சத்தியமாக!) விளக்கம் : அல்லாஹ் இவ்வசனத்தில் காலத்தின் மீது சத்தியம் செய்கிறான்.

2- (நிச்சயமாக மனிதன் நஷ்டத்திலேயே இருக்கிறான்!) விளக்கம் : அதாவது, மனிதர்கள் யாவரும் குறையிலும் நஷ்டத்திலும் உள்ளனர்.

3- (நம்பிக்கை கொண்டு, நற்கருமங்கள் புரிந்து, சத்தியத்தையும், பொறுமையையும் தம்மிடையே உபதேசித்துக் கொண்டிருப்போரைத் தவிர). விளக்கம் : அதாவது யார் ஈமான் கொண்டு நற்கருமங்கள் புரிந்து சத்தியத்தின் பால் ஏனையோரை அழைத்து அதில் எதிர்நோக்கும் சிரமங்களை பொறுமையுடன் ஏற்று வாழ்கிறார்களோ அவர்கள் இந்நஷ்டத்திலிருந்து தப்பித்துக்கொள்வார்கள்.