ج- التکاثر سورت او تفسیر یې:

بِسۡمِ ٱللَّهِ ٱلرَّحۡمَـٰنِ ٱلرَّحِیمِ

په مدد د نوم د الله چې بې حده او همیشه مهربان دی شروع کوم(۱).

﴿أَلْهَاكُمُ التَّكَاثُرُ 1

غافل كړي وئ تایو ډېروالي د مال په خپل مینځ کې.(۱) حَتَّى زُرْتُمُ الْمَقَابِرَ 2

تر هغه پورې چې تاسو هدېرو ته ورشئ(تر مرګه بورې) كَلَّا سَوْفَ تَعْلَمُونَ 3

داسې نده په كار، ژر ده چې تاسو به پوه شئ. ثُمَّ كَلَّا سَوْفَ تَعْلَمُونَ 4

بیا بېخي داسې نه ده، ژر ده چې تاسو به پوه شئ كَلَّا لَوْ تَعْلَمُونَ عِلْمَ الْيَقِينِ 5

داسې نه ده، كه تاسو په علم اليقين سره پوهېدلى(۱) لَتَرَوُنَّ الْجَحِيمَ 6

تاسو به خامخا ضرور دوزخ وینئ(دا خطاب ټول انسانسیت او پیري ته دی: وان منکم الا واردها، که څوک یې لایق وو هغه به ورداخل شي او که څوک یې لایق نه وو هغه به پرې ورتیر شي) ثُمَّ لَتَرَوُنَّهَا عَيْنَ الْيَقِينِ 7

بیا به تاسو خامخا ضرور دغه (دوزخ) د یقین په سترګو وینئ(۱) ثُمَّ لَتُسْأَلُنَّ يَوْمَئِذٍ عَنِ النَّعِيمِ﴾

بیا به په دغې ورځ كې له تاسو نه خامخا ضرور د نعمتونو په باره كې تپوس كېږي. [التكاثر سورت: ١ - ٨].

تفسير:

١- ﴿أَلْهَاكُمُ التَّكَاثُرُ 1﴾: ای خلکو! تاسو د الله تعالی د پیروۍ پر ځای په خپلو مالونو او اولادونو ویاړ کولو بوخت کړې یاست.

٢- ﴿حَتَّى زُرْتُمُ الْمَقَابِرَ 2﴾: تر څو چې تاسو مړه شوئ او خپلو قبرونو ته ننوتلئ.

٣- ﴿كَلَّا سَوْفَ تَعْلَمُونَ 3﴾: تاسو ته پکار نه وه چې په هغو شیانو ویاړ کول مو د الله تعالی له اطاعت څخه بوخت کړي، نو ژر دی چې تاسو به د دې بوختیا پر پایله پوه شئ.

۴- ﴿ثُمَّ كَلَّا سَوْفَ تَعْلَمُونَ 4﴾: بیا به د هغه په پایله باندی پوه شې.

۵- ﴿كَلَّا لَوْ تَعْلَمُونَ عِلْمَ الْيَقِينِ 5﴾: په حقیقت کې، که تاسو په یقین سره پوهیدئ چې ستاسو ورتگ الله ته دی، او هغه به تاسو ته ستاسو د عملونو بدله درکوي، نو تاسو به د پیسو او اولادونو په فخر کولو کې بوخت نه اوسیدۍ.

۶- ﴿لَتَرَوُنَّ الْجَحِيمَ 6﴾: قسم په الله چی تاسو به د قيامت په ورځ اور ويني.

٧- ﴿ثُمَّ لَتَرَوُنَّهَا عَيْنَ الْيَقِينِ 7﴾: بیا تاسو بې له شکه په یقینی شکل باندی وگورئ.

٨- ﴿ثُمَّ لَتُسْأَلُنَّ يَوْمَئِذٍ عَنِ النَّعِيمِ﴾: بیا به الله تعالی په هغه ورځ له تاسو څخه پوښتنه وکړي، د روغتیا، مال او نورو شیانو په برخه کې چې تاته یی درکړي دي؟.