L-Zãmb maanego koosmẽ la raabẽ, la yẽ me yaa fo sẽn na n solg laogã zanga.

-Zãmb maanego bãngr baoob pʋgẽ, yẽ bilgri, yaa wala karem-biisã sẽn maan zãmbo εgzame-rãmbã pʋgẽ.

-Zãmbo gomd pʋgẽ, wala kaset zĩri maanego la zĩri-beedo.

-Ned sẽn na n ka pidsd a koεεga la nebã sẽn zems taab ne bũmb ningã.

La sẽn wa n gɩdg zãmb maanego, yaa tɩ Wẽnd Tẽn-tʋʋmã, Wẽnd pʋʋsg la A tɩlgr be a yĩnga, a pɩʋʋga Aṣ-ṣabra (Rɩ-gilli, rɩɩb sẽn dʋre,) t'a kẽes a nugã a pʋgẽ, t'a nus-bi wã madge, t'a yeele: « yaa bõe la woto, rɩɩbã soaba?» La a yeele: «ad yaa saag n nag-a, yaa Wẽnd Tẽn-tʋʋma». La Tẽn-tʋʋm yeele: «Yaa bõe tɩ fo ka na n ning-a rɩɩbã yĩngri, tɩ nebã yã-a? Ned ning sẽn maana zãmbo, ad yẽnda ka be tõnd pʋgẽ ye». A Muslim n reeg-a.

Aṣ-ṣabra: Rɩ-gilli.