L-Yaa ninsaal sẽn na n ka ne tɩ yẽnda yɩɩda nebã ye, rẽnd a ka paoogd neba, a ka tõdgd sɩda.

A yeelame, A Naam zẽkame: {Wẽnd yembsã la neb nins sẽn kẽnd tẽng gãngã zug ne bʋg-bʋge la zɩtbã sã n wa gom ne-ba la b sẽn yetede: «tɩlgre».}. [Sʋʋratʋ Al-fʋrƙaanʋ: 63], Rat n na n yeel tɩ yaa gãneg-m-meng-rãmba. Wẽnd Tẽn-tʋʋm yeelame, Wẽnd pʋʋsg la A tɩlgr be a yĩnga: « Ned ka yɩ n na n gãneg a menga, rẽndame tɩ Wẽnd zẽk-a». A Muslim n reeg-a. La a leb n yeele, Wẽnd pʋʋsg la A tɩlgr be a yĩnga: « Wẽnd tʋmsame tɩ wa mam nengẽ, tɩ y gãneg y mense, hal tɩ ned ra wa puglg ne a to ye la a ra wa maan n zʋʋg ne a to ye». A Muslim n reeg-a.