L-Yẽ yaa f tũ Wẽnde, n yõk f menga, n yi bõn-kaoodɩ wã, sẽn na n sɩng Fagirã pukri, n tʋg n tãag wĩndgã lʋɩɩsẽ, n lagem ne Anniy wã rɩkre, la a yaa kõbg a yiibu:

No-loeer sẽn yaa tɩlae, wala Ramadaan no-loeerã, yẽ yaa zeng raoog sẽn yi lɩslaoongã zeng raadã pʋgẽ.

A yeelame, A Naam zẽkame: {Yɑɑ yãmb neb nins sẽn kõ sɩd ne Wẽnde b roglɑ yãmb no-loeerã wɑlɑ b sẽn dogl sẽn deng-b yãmb tɑoorã sãnd-sãnde y nɑ zoe Wẽnde (183} [Sʋʋratʋ Al-Baƙara: 183]

La no-loeer sẽn ka tɩlae, wala tẽne la lamus no-loeere, rasem a yopoe fãa, la rasem a tãab no-loeere, kiuug fãa pʋgẽ, la rasem a tãabã sõmblem sẽn tʋg n yɩɩd yaa Ayyaam Al-bɩɩḍ (kui-pεεlã rasem-rãmbã) (13,14,15,).