ഉത്തരം: വുദൂഇൽ ഒരിക്കലും ഉപേക്ഷിക്കാൻ പാടില്ലാത്ത നിർബന്ധ കർമ്മങ്ങളാണ് വുദൂഇൻ്റെ ഫർദ്വുകൾ. (അവ ആറെണ്ണമുണ്ട്.)

1- മുഖം കഴുകൽ; വായ കൊപ്ലിക്കലും മൂക്കിൽ വെള്ളം കയറ്റലും അതിൽ പെട്ടതാണ്.

2- കൈകൾ മുട്ടുകൾ സഹിതം കഴുകൽ.

3- തല തടവൽ; ചെവി തടവുക എന്നതും അതിൻ്റെ ഭാഗമാണ്.

4- കാലുകൾ നെരിയാണി ഉൾപ്പെടെ കഴുകൽ.

5- ഈ അവയവങ്ങൾ ക്രമത്തിൽ കഴുകണം. ആദ്യം മുഖം കഴുകൽ, ശേഷം കൈകൾ, ശേഷം തല തടവൽ, പിന്നീട് കാലുകൾ കഴുകൽ.

6- തുടർച്ചയുണ്ടാവുക. അതായത് വുദൂഇൻ്റെ കർമ്മങ്ങൾ തുടരെത്തുടരെ നിർവ്വഹിക്കണം. ഒരു അവയവം കഴുകിയ ശേഷം അത് ഉണങ്ങുവോളം അടുത്ത അവയവം കഴുകുന്നത് വൈകിപ്പിക്കാൻ പാടില്ല.

ഉദാഹരണത്തിന് വുദൂഇൻ്റെ പകുതി ചെയ്ത ശേഷം കുറച്ചു സമയം കഴിഞ്ഞ് അത് പൂർത്തീകരിക്കുക എന്നത് പാടില്ല. ഇങ്ങനെ ചെയ്താൽ വുദൂഅ് ശരിയാവില്ല.