Cavab: 1- Ağrı hiss etdikdə, əlimi bədənimin ağrıyan yerinə qoyub üç dəfə: «بسم الله» [Bismilləh!] "Allahın adı ilə!", sonra isə, yeddi dəfə: «أعوذ بعزة الله وقدرته من شر ما أجد وأحاذر» [Əuzu bi izzətilləhi və qudratihi min şərri mə əcidu və uhaziru] "Duyduğum və həzər etdiyimin şərindən Allaha və Onun qüdrətinə sığınıram!" deyirəm.

2- Allahın mənim üçün təqdir etdiyindən razı qalıb, səbir edirəm.

3- Xəstə qardaşımı ziyarət etməyə tələsirəm, ziyarət etdikdə onun üçün dua edirəm və onu ziyarət etdikdən sonra yanında çox oturmaqla ona əziyyət vermirəm.

4- Məndən tələb etmədən onun üçün ruqiyyə (ovsun) oxuyuram.

5- Ona səbirli olmağı, Allaha dua etməyi, namazı və bacardığı qədər təharətli olmağı tövsiyə edirəm.

6- Xəstə üçün edilən dua: «أسأل الله العظيم رب العرش العظيم أن يشفيك» [Əs'əlullahəl-aziymə Rabbəl-arşil-aziymi ən yəşfiyəkə] "Böyük Ərşin Rəbbi olan Əzəmətli Allahdan sənə şəfa verməsini diləyirəm!" (bu dua yeddi dəfə edilir).